Prof. Ass. Dr. Agreta Gecaj-Gashi
Prof. Ass. Dr. Agreta Gecaj-Gashi ka lindur më 8 shkurt 1973, në Pejë. Shkollimin fillor dhe të mesëm e ka përfunduar në Gjakovë. Në vitin 1997 ka diplomuar në Fakultetin e Mjekësisë.
Nga viti 1999 deri më 2004 ka ndjekur specializimin në Qendrën Klinike Universitare të Kosovës, në Klinikën e Anesteziologjisë me Kujdes Intensiv, ndërsa një pjesë të trajnimit e ka kryer edhe në Qendrën Klinike Universitare të Zagrebit. Në vitin 2004, pas përfundimit të provimit specialistik, fitoi titullin Specialiste e Anesteziologjisë dhe Kujdesit Intensiv.
Në vitin 2007 përfundoi studimet e Magjistraturës në Fakultetin e Mjekësisë, Universiteti i Prishtinës, me temën: “Efektet e adjuvantëve të kombinuar me bupivakainën në anestezinë spinale dhe analgjezinë e balancuar”, duke marrë titullin Magjistre e Shkencave Mjekësore.
Në vitin 2015 mbrojti disertacionin e doktoraturës në Universitetin “Shën Kirili dhe Metodi” në Shkup, me temën: “Anestezia me fluks të ulët dhe minimal: ndikimi në funksionin respirator, hepatik dhe renal, vetëdijen dhe agjitacionin gjatë zgjimit”, duke fituar titullin Doktore e Shkencave Mjekësore.
Nga viti 2010 deri në vitin 2018 ka ushtruar detyrën e Asistentes në Fakultetin e Mjekësisë të Universitetit të Prishtinës, në lëndën Anesteziologji me Reanimacion. Që nga viti 2017 është ligjëruese në Kolegjin AAB, ku në vitin 2020 u emërua Profesoreshë Asistente.
Nga viti 2020 deri më 2023 ka qenë anëtare dhe kryetare e Bordit Drejtues të Shërbimit Spitalor Klinik Universitar të Kosovës (ShSKUK), ndërsa në vitet 2022–2023 ka qenë anëtare e Bordit Udhëheqës të Fondit të Sigurimeve Shëndetësore.
Në vitin 2024 u zgjodh Kryetare e Shoqatës së Anesteziologëve dhe Intensivistëve të Kosovës.
Prof. Ass. Dr. Gecaj-Gashi ka qenë anëtare e Këshillit të ESAIC (Shoqata Evropiane e Anesteziologjisë dhe Kujdesit Intensiv) nga viti 2014 deri më 2020. Që nga viti 2020 është anëtare e NASC (Komiteti i Shoqatave Kombëtare të Anesteziologëve) brenda ESAIC. Që nga viti 2023 shërben si Drejtoreshë e CEEA (Komiteti Evropian për Edukim në Anesteziologji) për qendrën e Kosovës.
Në qershor të vitit 2025 iu nda diploma FESAIC (Fellow of European Anaesthesiology and Intensive Care) nga Shoqata Evropiane e Anesteziologjisë dhe Kujdesit Intensiv.
Aktualisht, ushtron veprimtarinë e saj profesionale në Qendrën Klinike Universitare të Kosovës, në Klinikën e Anesteziologjisë dhe Kujdesit Intensiv. Paralelisht, vazhdon aktivitetin akademik e edukativ në Kolegjin AAB, në departamentet e Stomatologjisë dhe të Infermierisë, si Profesoreshë Asistente.
Është autore dhe bashkautore e një numri të madh publikimesh në revista prestigjioze shkencore, me rreth 3,000 citime dhe një H-indeks prej 20 në Google Scholar. Ka qenë ligjëruese mysafire në shumë konferenca dhe kongrese kombëtare e ndërkombëtare, si dhe ka shërbyer si Koordinatore Kombëtare në pesë projekte shkencore ndërkombëtare.
Është autore e monografisë: “Aplikimi i adjuvantëve në anestezinë spinale”, si dhe bashkautore e kapitujve në dy libra: “Mjekësia Emergjente” dhe “Kirurgjia për infermierët”.
+38349137404
ksaicorg@gmail.com
Dr. Hajdin Gakaj
Dr. Hajdin Gakaj është një anesteziolog i përkushtuar që i shërben pacientëve në Prizren, i njohur për kontributet e tij në avancimin e praktikave të anestezisë në Kosovë.
ksaicorg@gmail.com
Dr Blerina Kurshumlija-Haxhitasim
Dr. Blerina Kurshumlija-Haxhitasim shërben si Sekretare e Shoqatës së Anesteziologëve dhe Intensivistëve të Kosovës (KSAI), ku ajo luan një rol të rëndësishëm në përpjekjet administrative dhe komunikuese të organizatës. Me një sfond të fortë në anesteziologji, ajo është e përkushtuar në promovimin e praktikave më të mira dhe përmirësimin e kujdesit për pacientët brenda fushës. Dr. Kurshumlija-Haxhitasim bashkëpunon aktivisht me kolegët e saj për të avancuar arsimin mjekësor dhe për të mbështetur zhvillimin profesional të anesteziologëve në Kosovë.
ksaicorg@gmail.com
Anëtarët e Bordit të KSAI
Anëtarët e Bordit të Shoqatës së Anesteziologëve dhe Intensivistëve të Kosovës (KSAI) janë një grup i përkushtuar profesionistësh të angazhuar për avancimin e fushës së anesteziologjisë dhe kujdesit intensiv në Kosovë. Çdo anëtar sjell një pasuri eksperience dhe ekspertize, duke kontribuar në misionin e shoqatës për përmirësimin e kujdesit për pacientët dhe promovimin e praktikave më të mira brenda komunitetit të kujdesit shëndetësor.
